En 1986, a istanzias d’o Consello d’a Fabla Aragonesa, s’achuntón, amés de dita asoziazión, o Ligallo de Fablans de l’Aragonés, o Instituto de Estudios Altoaragoneses, Rolde d’Estudios Nazionalista Aragonés, a Chunta Unibersitaria por a Reconoxedura y a Promozión de l’Aragonés, o Rolde de Fabla Aragonesa de Chaca, e l’Asoziazión Alasets de Benás, a es efeutos de combocar o I Congreso ta ra Normalizazión de l’Aragonés, con l’ochetibo de creyar unas normas graficas comuns ta la nuestra luenga. Finalmén, o 19 d’abril de 1987, s’aprebón as Normas Graficas de l’Aragonés en un congreso amplo e representatibo, pero que no aconsiguió aplegar de plano a todas as boluntaz.





En chinero de 2005, dezigüeito añadas dimpués, se tornó a achuntar a asoziazions e presonas en una asambleya estorica zilebrata en Uesca. En ixa asambleya s’aprebó o Manifiesto por la unidad de la Lengua Aragonesa, que dimpués rezibió l’adesión de 4200 presonas, 180 entidaz (asoziazions, interpresas, clubs, sindicatos,...), 44 conzellos, 5 comarcas e as deputazions probinzials de Uesca e Zaragoza. Tamién en ixa asambleya de Uesca s’esprisó a nezesidat de combocar un nuebo congreso con a firme dezisión de sensibilizar a la soziedat aragonesa e creyar una autoridat lingüistica. 


 Dende ixe mesmo inte se prenzipió a treballar en l’asoziazión Chuntos por l’Aragonés, e o 15 de chulio de 2006, en o II Congreso de l’Aragonés, se creyó l’Academia de l’Aragonés, con l’aprebazión d’as ordinazions e a eslezión d’os primers miembros numerarios. 

PRIMERA NOMINA DE MIEMBROS DE L'ACADEMIA: 

Abril, Carlos
Aragüés, Chusé
Benítez, Pilar
Castán, Manuel
Lagraba, Juan José
Latas, Óscar
Lera, José
Lozano, Chabier
Marqués, Manuel
Rodés, Francho
Romanos, Fernando
Saludas, Ánchel Lois
Sánchez, Fernando
Satué, José Mª
Segura, Juan José
Serrano, Roberto
Tena, Ana
Vidaller, Rafel
Villa, Quino


L’Academia empezipió a funzionar con una Mesa d’Edat ta costituyir-se dimpués como asoziazión o diya 9 de setiembre de 2006, baixo lo nombre de "Estudio de Filología Aragonesa". O primer Consello de Gubierno ofizial, presidito por Chusé Lera, estió eslechito con caráuter probisional dica que o 28 d’outubre de 2006 se zilebró o primer pleno ofizial en o que se dezidió a estrutura de funzionamiento, asinas como un nuebo Consello de Gubierno, alabez ya ta las tres añatas que siñalan as ordinazions, baixo a presidenzia de Manuel Castán.

Ixe primer Consello de Gubierno teneba la siguién composizión:

Presidén: Manuel Castán
Bezipresidén: Chabier Lozano
Secretaire: Fernando Sánchez
Tresorero: Juan José Lagraba

Bocal Coordinazión: Mª Pilar Benítez
Bocal Codificazión: Juan José Segura
Bocal Imbestigazión: Francho Rodés
Bocal Decumentazión: Óscar Latas
Bocal Soziolingüistica: Fernando Romanos

O diya 24 de nobiembre de 2007, en sesión plenera de l'Academia, prenió posesión como miembro numerario lo filologo benasqués, natural de Castilló de Sos, Antonio Plaza Boya, con o que a nomina d'Academicos pasa a la bentena. O mesmo diya, en omenache publico presidito per o Bizeconsellero de Cultura d'o Gubierno d'Aragón, Juan José Vázquez, prenión posesión d'a dignidat d'Academicos d'Onor as siguiens presonalidaz:

Nieus Luzía Dueso Lascorz, escritota chistabina

Juan José Guillén Calvo, doutor en filolochía e toponimista panticuto

Bian Mott, doutor en filolochía e estudioso de l'aragonés (espezializato en o chistabino)

Artur Quintana i Font, doutor en filolochía, correspodién de l'Institut d'Estudis Catalans e estudioso de l'aragonés (espezializato en l'aragonés residual d'o Mezquín, e en l'aragonés de Ballibió)

Rosario Ustáriz Borra, escritora chesa

Brian Mott, Artur Quintana, Manuel Castán, Juan José Vázquez, Nieus Luzía Dueso, Juan José Guillén e Marta Marín (qui representaba a Rosario Ustáriz)

En una nueba sesión plenera zilebrata a Samianigo lo 12 d'abril de 2008, estió proclamato Academico d'Onor lo Dr. Michael Metzeltin (en a foto d'abaixo), catedratico de Lingüistica e Didautica d'as Luengas Romanicas d'a Unibersidat de Viena.

A nomina autual de miembros de l'Academia ye a siguién:

Numerarios:

Abril, Carlos
Aragüés, Chusé
Benítez, Pilar
Castán, Manuel
Lagraba, Juan José
Latas, Óscar
Lera, José
Lozano, Chabier
Marqués, Manuel

Plaza, Antonio
Rodés, Francho
Romanos, Fernando
Saludas, Ánchel Lois
Sánchez, Fernando
Satué, José Mª
Segura, Juan José
Serrano, Roberto
Tena, Ana
Vidaller, Rafel
Villa, Quino

Onorarios:

Nieus Luzía Dueso Lascorz

Juan José Guillén Calvo

Bian Mott

Artur Quintana i Font

Rosario Ustáriz Borra

Michael Metzeltin