Miembro fundador de l'Academia. Filologo y profesor de segundaria. Ye natural de Gabás, en a Vall de Benás. Presidió Chuntos por l'Aragonés, asociación que promovió a cilebración d'o II Congreso de l'Aragonés. Esfensor d'o suyo dialecto local, lo benasqués u patués, ye president de l'Academia dende octobre de 2006.

Contacto: macases@ono.com

Miembro fundador de l'Academia. Ha militato en diferents asociacions esfensoras de l'aragonés dende a suya chobentut. Preside l'Asociación d'Estudios y Treballos d'a Luenga Aragonesa (ESTRELA). Cal remarcar a important faina desembolicada como editor dende Gara d'Edicions.

Contacto: gara@garadedicions.com

Miembro d'Honor de l'Academia dende noviembre de 2007. Doctor en filolochía anglesa, ha feito importants estudios sobre toponimia y antroponimia d'a Val de Tena y ye buen conoixedor d'a etnografía local. Tamién ye responsable de publicacions sobre filolochía anglesa. Ye natural de Pandicosa.

Contacto: guillenca@telefonica.net

Miembro d'Honor de l'Academia dende marzo de 2009. Conoixito escritor en luenga basca, ha treballato en una prolifica obra que pendula dende a poesía enta l'asayo, pasando per a narrativa u as biografías. Ye muito important a suya producción como traductor. En l'actualidat ye Secretaire d'Euskaltzaindia y ha participato en diferents eventos relacionatos con a luenga aragonesa.

Contacto: xkintana@euskaltzaindia.net

Miembro fundador de l'Academia. Ye escritor en cheso, lo suyo dialecto local, y ha feito firme ceprén en a suya promoción tamién dende o Gurpo Folklorico Val d'Echo y dende l'asociación Bisas de lo Subordán. Ye coautor, chunto con Chusé Lera, d'a Gramatica de lo cheso.

Contacto: tresorero@academiadelaragones.org

Miembro fundador de l'Academia. Ha treballau firme por a esfensa y promoción de l'aragonés, dende o dialecto cheso que ha cautivau y estudiau, fendo composicions literarias, liderando lo Grupo Folklorico Val d'Echo y publicando articlos y libros, bell uns tan importants como a Gramatica de lo Cheso, u o diccionario Aplego. Conoixito en toda la sociedat aragonesa por estar l'autor d'a popular canta S'ha feito de nuey. Tamién ha impartiu cursos d'aragonés.

Contacto: jlera@academiadelaragones.org

Miembro fundador de l'Academia. Licenciato en filolochía, ha publicato estudios sobre diferents dialectos locals aragoneses. Treballa en a promoción d'o belsetán, dialecto que ha feito propio dende que reside en Bielsa y d'o que n'ha publicato una important morfosintaxis (chunto con Ánchel L. Saludas). Ye miembro d'as asociacions Fendo Tranya y Consello d'a Fabla Aragonesa.

Contacto: chalosie@gmail.com

Miembro fundador de l'Academia. Licenciato en  filolochía, ha publicato estudios sobre o suyo dialecto local, o foncense. Ha impartito cursos d'aragonés en Barcelona. Ye miembro d'o Consello d'a Fabla Aragonesa.

Contacto: manuelmarques.sia@gmail.com

Miembro d'Honor de l'Academia dende abril de 2008. Ye catedratico de Lingüistica y Didactica d'as Luengas Romanicas d'a Universidat de Viena. Autor d'importants obras sobre lingüistica y romanistica, ha colaborato dende fa tiempos en muitos eventos relacionatos con a luenga aragonesa. A suya obra més conoixita ye Lexikon der Romanistichen Linguistik. Ye natural de Sorengo (Suiza)

Contacto: michael.metzeltin@univie.ac.at

Miembro d'Honor de l'Academia dende noviembre de 2007. D'orichen londinense, ye doctor en filolochía anglesa  y treballa a la Universitat Central de Barcelona, a on ye Coordinador d'a Sección de Filolochía Anglesa. Ha estudiau lo dialecto chistabín dende 1968, y ye responsable d'un buen amiro de publicacions sobre iste dialecto y tamién d'atros dialectos aragoneses y catalans en territorio aragonés. Antiparti, ha publicau treballos relacionaus con a filolochía anglesa sobre fonetica, fonolochía, semantica, pragmatica, gamatica y traducción.

Contacto: mott@ub.edu

Miembro de numero de l'Academia dende nobiembre de 2007. Ye natural de Castilló de Sos. Director d'o Seminario de Balbastro y profesor de filolochía anglesa en a UNED. A suya obra escrita tracta sobre a luenga y as tradicions de l'Alto Esera y d'a Vall de Benás.

Contacto: aplaza@unedaragon.org

Miembro d'Honor de l'Academia dende noviembre de 2007. Prestichioso estudioso d'es parlars catalans en Aragón, ye miembro correspondient de l'Institut d'Estudis Catalans. Ha estudiato l'aragonés testimonial d'a Val d'o Mezquín, y més recientment, l'aragonés de Sercué, en Vallibió. Exerció lo suyo machisterio, dica la chubilación, en a Universidat de Heidelberg. Amés de presidir a Iniciativa Cultural de la Franja, ye miembro d'o Consello d'a Fabla Aragonesa y d'o suyo Consello Asesor.

Contacto: quintana@mezquin.com

Miembro fundador de l'Academia. Licenciato en filolochía, ha publicato libros y estudios relacionatos con diversos dialectos aragoneses y con a estandarización d'a luenga. Estió miembro d'o Consello Asesor d'o I Congreso ta ra Normalización de l'Aragonés. Forma parti d'o  Rolde O Caxico de Samianigo. Ha impartito cursos d'aragonés ta toz es libels.

Contacto: frodes@academiadelaragones.org

Miembro fundador de l'Academia. Autor de meyos audiovisuals, con grabacions de campo que representan a totz es dialectos de l'aragonés, ha escrito una important obra literaria; pero destaca especialment por a investigación dialectolochica que queda patent en una important producción de vocabularios, descripcions gramaticals y fraseolochía. Estió fundador d'o Ligallo de Fablans y ye miembro d'o Consello d'a Fabla Aragonesa y d'o suyo Consello Asesor. Anque zaragozano de naiximiento, ye chistabín d'adopción y ha estudiau lo dialecto local dende antigo.

Contacto: fromanos@ono.com

Miembro fundador de l'Academia. Natural d'Espierba (en a Val de Bielsa), ye o més important estudioso d'o dialecto belsetán, d'o que n'ha publicato una important morfosintaxis (chunto con Chabier Lozano), y viene arreplegando lo lexico d'o suyo dialecto dende fa muitos anyos. Ye miembro d'o Consello d'a Fabla Aragonesa. Tamién ha publicato una intresant obra literaria dialectal.

Contacto: alsaludas@gmail.com

Miembro fundador de l'Academia. Destacau empentador de l'asociacionismo en esfensa de l'aragonés, ye miembro d'o Consello d'a Fabla Aragonesa y de Nogará-Religada, asociación d'a que actualment en ye coordinador. Ha investigau especialment es dialectos chistabín, fovano, agüerano y campés. Ye autor d'importants monografías sobre morfosintaxis y lexico dialectals.

Contacto: fsanchezp05@gmail.com

Miembro fundador de l'Academia. Natural d’Escartín (Broto), en as montanyas de Sobrepuerto. Estudió Machisterio, se licenció en Filosofía y Letras (Historia) y ha treballau siempre de mayestro. Ha replegau y estudiau toda la cultura tradicional (costumbres, creyencias, luenga) d’a suya tierra, dando notorio d’ella en distintas publicacions, en castellano y aragonés. En a luenga de Sobrepuerto (a suya luenga materna) ha publicau un vocabulario con eixemplos d’emplego, as charradas que os lolos contaban en as veiladas y os quefers de toda l’anyada. Agora colabora en un diario con escritos costumbristas en aragonés.

Contacto: josemariasatue@hotmail.com

Miembro fundador de l'Academia. Licenciau en Cencias Fesicas, ye catedratico de segundaria en Zaragoza. Ha feito estudios sobre teoría lingüisitica, codificación y aspectos morfolochicos y sintacticos. Formó parti d'a Comisión asesora d'o prochecto lexicografico Tresoro d'a Luenga Aragonesa. Ye miembro d'o Consello d'a Fabla Aragonesa y de Nogará-Religada.

Contacto: juanjosesegura@mixmail.com

Miembro fundador de l'Academia. Anque ye més popular por a suya profesión mosical, como enfilador d'a Orquestina del Fabirol, treballa como educador social en Sobrarbe. Vive a la Val de Chistau y ye un buen conoixedor d'o suyo dialecto. Ye important a suya producción literaria como letrista y ha colaborau en muitos meyos de comunicación, tanto en revistas como en Radio Sobrarbe. Ye miembro d'o Consello d'a Fabla Aragonesa.

Contacto: rserrano@academiadelaragones.org

Miembro fundador de l'Academia. Ye naixida de Paniello y habita a Graus, en a Baixa Ribagorza. Buena conoixedora d'o dialecto local, s'ha labrau una important carrera literaria en narrativa y poesía. Ye miembro d'o Consello d'a Fabla Aragonesa.

Contacto: antonio.casas@cag.es

Miembro fundador de l'Academia. Anque estudió machisterio, ha preferito treballar como guarda forestal ta espleitar d'a suya pasión por a natura. Ye natural de Salas Altas, en o Semontano, por o que ye un buen conoixedor d'o dialecto local, amés d'atros dialectos como lo benasqués u o tensino. Ha publicato as obras més importants sobre lexico natural en aragonés, asinas como bellas guías de natura. Forma parti d'o Consello d'a Fabla Aragonesa y d'o suyo Consello Asesor, y d'o Rolde O Caxico de Samianigo

Contacto: rvidaller@orange.es

Miembro fundador de l'Academia. Natural de Chistén, en a Val de Chistau, va ser un pionero en a producción de cine etnografico en a nuestra luenga.  Mayestro, psicologo clinico y sexologo. Profesor de segundaria, treballa como psicologo-orientador en un IES de Chaca. Dende 2005 coordina, en a web, un consultorio sexolochico ta chovens. En chistabín cautiva lo rilato, a poesía y a novela; tamién escribe narrativa y asayo en castellano. Ha realizau bellas 200 obras de cine amateur y vidio, d'ellas más de 60 de tipo etnografico. Dende 1978 ye treballando en una ampla obra de tradición oral d'a Val de Chistau.

Contacto: jvilla@educa.aragon.es u

 qvilla@academiadelaragones.org